Táknmál
Táknmál
Forskráning fyrir heimkomu
og staða á sýnatöku
Forskráning fyrir heimkomu
og staða á sýnatöku
Ekki sækja fólkið þitt á flugvöllinn
– þau eru í sóttkví fram
   yfir seinni sýnatöku
Þau sem koma til landsins þurfa að taka flugrútu, leigubíl eða keyra sjálf.

Vottorð

Vottorð vegna undanþágu frá tvöfaldri skimun og sóttkví við landamærin  

Vottorð þarf að vera á íslensku, sænsku, dönsku, norsku eða ensku.
Fornafn og eftirnafn (sambærilegt við ferðaskilríki).
Fæðingardagur.
Hvenær sýnataka fór fram (dagsetning).
Hvar sýnatakan fór fram (land/borg/heimilisfang).
Heiti rannsóknarstofu/útgefanda vottorðs.
Dagsetning vottorðs.
Símanúmer hjá rannsóknarstofu/útgefanda vottorðs (eða nægar upplýsingar, t.d. vefsíða, þannig að hægt sé að staðfesta niðurstöður ef þarf).
Tegund prófs þarf að koma fram (PCR- próf eða mótefnamæling með ELISA blóðvatnsprófi eða sambærilegri aðferð).
Niðurstaða rannsóknar (Jákvætt PCR-próf (RT-PCR) fyrir SARS-CoV-2 / COVID-19 sem er eldra en 14 daga gamalt, eða mótefni til staðar).
Bólusettir farþegar geta framvísað PCR eða hraðprófi (e. rapid antigen test) en óbólusettir geta eingöngu framvísað PCR prófi. Ekki er tekið á móti sjálfsprófum.

Vottorð um fyrri sýkingu COVID-19

Athugið að sum vottorð vegna fyrri sýkingar hafa gildistíma og geta runnið út.

Vottorð um bólusetningu

Bólusetningavottorð með skráðu einhverju af eftirfarandi bóluefni: sem hefur markaðsleyfi í Evrópu eða tekið gilt af Alþjóðaheilbrigðismálastofnuninni (gula bókin).

Hér er listi yfir viðurkennd bóluefni:

Comirnaty (Tozinameran-Covid-19 mRNA Vaccine; BNT162b2) Pfizer/BioNTech Manufacturing GmbH
Vaxzevria (ChAdOx1-S;AZD1222) AstraZeneca AB
Covishield (ChAdOx1_nCoV-19) Serum Institute of India Pvt. Ltd,
COVID-19 Vaccine (Ad26.COV2-S) Janssen-Cilag International NV (Johnson & Johnson)
Spikevax (mRNA-1273), Moderna Biotech,
SARS-CoV-2 Vaccine (InCoV; inactivated) BIBP/Sinopharm, Bejing Institute of Biological Products Co., Ltd,
CoronaVac (SARS-CoV-2, inactivated) Sinovac Life Sciences Co., Ltd,
Covaxin (SARS-CoV-2, inactivated) Bharat Biotech

Vottorð má vera á pappír eða á rafrænu formi. Landamæraverðir meta hvort vottorð er gilt og kalla til fulltrúa sóttvarnalæknis (heilbrigðisstarfsmann) ef þarf og lokaákvörðun um gildi vottorðs er á ábyrgð sóttvarnalæknis. Ef farþegi framvísar vottorði sem er metið ógilt, þ.e. ef einhver þeirra skilyrða sem er krafist eru ekki fyrir hendi, skal viðkomandi sæta þeim sóttvarnaráðstöfunum sem öðrum komufarþegum er gert að sæta, þ.e. að framvísa vottorði um neikvætt PCR-próf og gangast undir tvöfalda skimun og sóttkví á milli.

Bólusetningavottorð þarf að uppfylla eftirfarandi skilyrði:

Á íslensku, dönsku, norsku, sænsku, ensku eða frönsku. Vottorð á öðru tungumáli má taka gilt ef þýðing stimpluð af löggildum skjalaþýðanda fylgir á einu af tungumálunum sem krafist er
Fornafn og eftirnafn (sambærilegt við ferðaskilríki)
Fæðingardagur
Heiti sjúkdóms sem bólusett var gegn (COVID-19)
Hvenær og hvar bólusetningar fóru fram
Skilyrði er að bólusetningu sé lokið; fjöldi skammta skal vera i samræmi við leiðbeiningar framleiðanda.
Upplýsingar um útgefanda vottorðs (heilbrigðisstarfsmann/stofnun), með undirskrift ef alþjóðabólusetningaskírteinið
Heiti bóluefnis
Framleiðandi bóluefnis
Vottorð telst gilt þegar 14 dagar eru liðnir frá seinni skammti (eða 14 dagar frá Janssen skammti).

Vottorð um fyrra smit af COVID-19 og vottorð um bólusetningu gegn COVID-19 eru nú aðgengileg á vefnum Heilsuvera.is undir flipanum COVID-19. Þau eru án endurgjalds. Skráning í heilsuveru krefst þess að notandi sé með rafræn skilríki. Til að fá útgefið bólusetningarvottorð þarf að setja inn vegabréfsnúmer.

Vottorð um neikvætt COVID-19 próf

Reglur fyrir ferðamenn án tengslanets á Íslandi: Allir sem koma til landsins verða að sýna vottorð um neikvætt próf gegn COVID-19 (SARS-CoV-2) áður en þeir stíga um borð í flugvél eða skip á leið til Íslands og einnig við komuna. Börn fædd 2005 og síðar eru þó undanskilin. Þau sem eru búsett hér á Íslandi, eða hafa hér tengslanet, þurfa að fara í sýnatöku vegna COVID-19 við komuna hingað til lands en þurfa ekki að framvísa neikvæðu COVID-19 prófi á landamærunum.
Ferðamenn sem framvísa vottorði um fulla  bólusetningu eða fyrri skýkingu geta sýnt neikvætt PCR-próf eða hraðpróf (e. rapid antigen test). Ferðamenn sem ekki hafa vottorð um fyrri sýkingu eða fulla bólusetningu þurfa að framvísa neikvæðu PCR-prófi. Ekki er tekið á móti sjálfsprófum.
Prófið verður að hafa verið tekið innan við 72 klukkustundum fyrir brottför (á fyrsta legg ferðar).
Eingöngu eru tekin gild vottorð á íslensku, norsku, sænsku, dönsku eða ensku.
Sekt fyrir brot á reglu um neikvætt PCR- próf eru 100.000.- krónur.
Þeim sem hvorki eru íslenskir ríkisborgarar né með dvalarleyfi á Íslandi er vísað frá á landamærunum ef þeir eru ekki með vottorð.

Vottorð um sóttkví

Einstaklingar þurfa að vera skráðir í sóttkví til að hægt sé að gefa út staðfestingu/vottorð um slíkt. Þeir hafa þá annað hvort farið í sóttkví vegna ferðalaga eða hafa verið skráðir í sóttkví af heilsugæslunni eða rakningateymi samkvæmt fyrirskipun sóttvarnalæknis. Gert hefur verið myndband um hvernig sótt er um vottorð inni á heilsuveru.is. Þeir sem þurfa að vera í sóttkví geta farið inn á heilsuveru.is og fengið vottorð.

Hægt er að fá vottorð vegna fjarvista frá vinnu vegna:

Sóttkví vegna nándar við tilfelli, sóttkví fyrirskipuð af smitrakningarteymi sóttvarnarlæknis og almannavarna.
Barns sem er skipað í sóttkví, foreldrar fá vottorð vegna barns.

Aðgengilegar upplýsingar um reglurnar á landamærunum
Hér má finna flýtileið á ensku sem útskýrir helstu reglur sem gilda á landamærunum