Skilgreind hættusvæði

Landamæri Íslands eru opin íbúum og ríkisborgurum EES og Sviss en Ísland fylgir ferðatakmörkunum á ytri landamærum Schengen-svæðisins, sem nú eru í gildi til 1. júlí 2020. Frá 15. júní munu komu-farþegar eiga kost á að fara í sýnatöku á landamærum í stað 14 daga sóttkvíar.

Undanþegnir þessari reglu:

Börn fædd 2005 og síðar
Áhafnir flugvéla og flutningaskipa sem fylgt hafa sérstökum varúðarráðstöfunum í vinnuferð

Reglulega verður endurmetið hvort fleiri lönd falli ekki lengur undir áhættusvæði. Ferðamenn bera sjálfir gisti- og uppihaldskostnað meðan á sóttkví stendur enda hafi þeir komið sjálfviljugir hingað til lands þrátt fyrir kröfu stjórnvalda um sóttkví.

Frá og með 16. júlí eru Danmörk, Finnland, Noregur og Þýskaland skilgreind utan svæðis með mikla smitáhættu og eru þá í sama flokki og Færeyjar og Grænland hafa verið frá 14. maí. Íbúar þessara ríkja þurfa ekki að fara í skimun þegar komið er til landsins. En brýnt er fyrir þeim að gæta vel að einstaklingsbundnum sýkingavörnum.


Tengt efni