Táknmál
Táknmál
Ekki sækja fólkið þitt á flugvöllinn
– þau eru í sóttkví fram
   yfir seinni sýnatöku
Þau sem koma til landsins þurfa að taka flugrútu, leigubíl eða keyra sjálf.

Ferðalög til og á Íslandi

Allir komufarþegar, sem hafa dvalið í meira en sólarhring á áhættusvæði, er skylt að fara í tvær sýnatökur til greiningar á COVID-19 eftir komuna til Íslands með sóttkví á milli sýnatöku. Börn fædd 2005 eða síðar sem ferðast með foreldri/forráðamanni fara í sóttkví með þeim. Fyrri sýnataka er á landamærum en sú seinni 5 dögum síðar. Börn fædd 2005 eða síðar sem ferðast ein er skylt að fara í sýnatöku eftir 5 daga sóttkví eftir komuna. Sóttkví er aflétt þegar neikvæð niðurstaða (veira finnst ekki) fæst úr seinni sýnatöku.

Tengifarþegar sem fara ekki út fyrir viðkomandi landamærastöð þurfa hvorki að fara í sóttkví eða í sýnatöku. Tengifarþegum sem fara út fyrir landamærastöð en dvelja innan við 48 tíma á Íslandi er heimilt að fara í sóttkví í stað sýnatöku samkvæmt ákvæði þessu.

Þeir sem hafa staðfest með PCR-prófi eða mótefnamælingu frá EES/EFTA ríki að hafa áður fengið COVID-19 sýkingu eru undanþegnir sóttkví. Þá er öllum sem framvísa gildu alþjóðabólusetningarskírteini um fulla bólusetningu með viðurkenndu bóluefni gegn COVID-19 undanþegnir.

Vottorðið við landamærin þarf að uppfylla eftirfarandi skilyrði:

Vottorð þarf að vera á íslensku, dönsku, norsku, sænsku eða ensku
Fornafn og eftirnafn (sambærilegt við ferðaskilríki)
Fæðingardagur
Hvenær sýnataka fór fram (dagsetning)
Hvar sýnatakan fór fram (land/borg/heimilisfang)
Heiti rannsóknarstofu/útgefanda vottorðs
Dagsetning vottorðs
Símanúmer hjá þeim aðila sem er ábyrgur fyrir útgáfu vottorðsins eða rannsóknarstofu
Tegund prófs (PRC-próf eða mótefnamæling með ELISA blóðvatnsprófi**)
Niðurstaða rannsóknar (PCR-próf jákvætt fyrir SARS-CoV-2 eða mótefni til staðar)

Fyrir brottför

Ferðatakmarkanir Landamæri Íslands eru opin íbúum og ríkisborgurum EES og Sviss en Ísland fylgir ferðatakmörkunum á ytri landamærum Schengen-svæðisins, sem nú eru í gildi. Hér er hægt að finna allar nauðsynlegar upplýsingar um þær ferðatakmarkanir sem í gildi eru fyrir ferðalög til Íslands vegna COVID-19.
Forskráning Forskráning vegna komu til Íslands. Öllum farþegum ber að fylla út skráningarform, fara eftir sóttvarnareglum og þeir eru hvattir til að hlaða niður smáforritinu, Rakning C-19. Forskráning er ekki ferðaheimild.
Rakning C-19 appið Appið er notað til að miðla neikvæðum niðurstöðum úr skimun og hjálpar við að rekja smit ef þörf krefur. Rakning C-19 appið - upplýsingar og leiðbeiningar

Landamæraskimun og sóttkví

Fyrri skimun er á landamærum, að því búnu ber komufarþegum að fara í sóttkví í 5-6 daga samkvæmt leiðbeiningum um sóttkví í heimahúsi eða leiðbeiningum um sóttkví fyrir fólk sem heimsækir Ísland.

Ekki má sækja fólk sem ferðast til Íslands, þar með talið fjölskyldumeðlimi og vini.  Þau sem koma til landsins þurfa að taka flugrútu, leigubíl, bílaleigubíl eða einkabíl sem búið er að fara með út á flugvöll.

Sýnataka á landamærum Íslands er gjaldfrjáls. Mikilvægt er að kynna sér leiðbeiningar fyrir skimunarferlið, þ.e. hvað tekur við eftir komu til landsins.

Helstu atriði sem þarf að hafa í huga í sóttkví:

Það sækja brýna heilbrigðisþjónustu að höfðu samráði fyrirfram við næstu heilsugæslu, Læknavakt/1700, neyðarlínu/112 eða +354 544 4113 sé hringt úr erlendu símanúmeri.
Það fara í gönguferðir á fáförnum stöðum en skal halda a.m.k. 2 m fjarlægð frá öðrum vegfarendum.
Það má ekki umgangast aðra en þá sem deila heimilinu og gæta skal fyllsta hreinlætis og reyna að halda a.m.k. 2 m fjarlægð í samskiptum við annað heimilisfólk.
Það má ekki nota almenningssamgöngur (innanlandsflug, strætisvagna, hópferðabíla) eingöngu leigubíla, bílaleigubíla eða einkabíl.
Það má ekki fara á veitingastaði, krár eða mannamót af neinu tagi, svo sem sundlaugar, kvikmyndahús, leikhús, verslanir eða aðra staði þar sem margir koma saman.
Það má ekki sinna erindum eða versla sjálf/ur, þ. á m. í apótek, matvöruverslun, pósthús, banka eða annað. Netverslanir og veitingastaðir bjóða upp á heimsendingu.
Það má ekki fara til vinnu eða skóla.
Það má ekki fara í skoðunarferðir og ekki keyra langar vegalengdir, nema milli landamærastöðvar og endanlegs sóttkvíarstaðar ef hann er í öðrum landshluta.

Seinni skimun og sóttkví fram að niðurstöðu

Seinni skimun fer fram á heilsugæslustöðum og hægt er að fara í skimun víðs vegar um landið. Vinsamlegast athugið mismunandi opnunartíma. Sóttkví er aflétt þegar neikvæð niðurstaða fæst úr seinni skimun.

Jákvæð niðurstaða leiðir alltaf til einangrunar og ber þá að fylgja leiðbeiningum um einangrun í heimahúsi. Greining, meðferð og eftirlit tilkynningarskyldra sjúkdóma, þar með talið COVID-19, er sjúklingi að kostnaðarlausu. Þetta á ekki við um valkvæða sýnatöku vegna COVID-19. Seinni sýnatakan er gjaldfrjáls.

Neikvæð niðurstaða úr landamæraskimun kemur ekki í veg fyrir að einstaklingur verði að fara í sóttkví ef í ljós kemur að hann hefur verið útsettur fyrir smiti, s.s. vegna þess að smitaður einstaklingur sat nálægt honum í flugvél. Þeir sem lenda óvænt í sóttkví og hafa ekki aðgang að sóttkvíarstað geta nýtt sér opinber sóttvarnarhús.

Í boði er listi yfir gististaði sem taka á móti gestum í sóttkví.

Vakin er athygli á því að brot á sóttkví eða einangrun getur leitt til sekta og aðkomu yfirvalda til að koma í veg fyrir brot.

Aðrar mikilvægar upplýsingar

Mælt er með því að fólk sem er á ferðalagi kynni sér ferðaráð stjórnvalda vegna COVID-19.

Mikilvægt er að fólk sem á í erfiðleikum með að komast burtu þaðan sem það er statt hafi samband við borgaraþjónustuna með tölvupósti á netfangið hjalp@utn.is eða með skilaboðum á Facebook. Í neyð er hægt að hafa samband við neyðarnúmer borgaraþjónustu utanríkisráðuneytisins, 545 0112. Þar eru veittar upplýsingar allan sólarhringinn. Helstu upplýsingar um réttindi fólks vegna ferðalaga er að finna á síðu Ferðamálastofu.

Skilgreind hættusvæði

Mikilvægt er að kynna sér hvað gildir hverju sinni um skilgreind svæði með smitáhættu og reglur um för yfir landamæri. Reglulega er endurmetið hvort lönd falli undir áhættusvæði.

Ferðalög frá Íslandi


Íbúum Íslands er ráðið frá ferðalögum á áhættusvæði.