Tilkynning frá almannavarnadeild ríkislögreglustjóra og sóttvarnalækni

19.10.2020

Tölur um ný smit annars vegar og tölur um fjölda í sóttkví hins vegar gefa til kynna að árangur sé að hafast í baráttunni við kórónuveirufaraldurinn í þessari þriðju bylgju. Það hefur einungis gerst vegna samstöðu þjóðarinnar í að fylgja þeim reglum, leiðbeiningum og tilmælum sem hafa verið í gildi.

Sóttvarnalæknir mælti með því við heilbrigðisráðherra í minnisblaði sínu að halda núverandi aðgerðum áfram næstu tvær til þrjár vikurnar til þess kveða veiruna niður, fækka nýjum smitum og ná að vernda þannig heilbrigðiskerfið.

Þrátt fyrir að smitum hafi farið fækkandi er of skammur tími liðinn til þess að hrósa sigri. Viðbúið er að í komandi viku og þeirri næstu gæti álag á heilbrigðiskerfið farið vaxandi. Því er áríðandi að við höldum áfram að tryggja einstaklingsbundnar smitvarnir. Það er að þvo og sótthreinsa hendur oft og reglulega, virða fjarlægðarmörk sem eru í gildi og nota grímu þar sem ekki er hægt að tryggja tvo metra á milli fólks.

Framundan eru vetrarfrí í grunnskólum og þeim hafa oft fylgt ferðalög. Almannavarnadeild og sóttvarnalæknir vilja áfram beina þeim tilmælum til fólks að halda sig sem mest heima og að ferðast ekki að nauðsynjalausu. Einnig að forðast hópamyndun í heimahúsum eða orlofshúsum.

 

19. október 2020

Fjöldi
Smit innanlands
Virk smit, landamæraskimun
Smit með mótefni, landamæraskimun
Smit í bið, landamæraskimun
Fjöldi sýna innanlands
Fjöldi sýna, landamæraskimun
Fjöldi í einangrun
Fjöldi í sóttkví
Fjöldi
Fjöldi sýna innanlands. Heildarfjöldi.
Fjöldi sýna á landamærum. Heildarfjöldi.
Fjöldi í einangrun
Fjöldi virkra smita innanlands frá 15. júní
Fjöldi virkra sýna á landamærum frá 15. júní 2020
Fjöldi smita á Íslandi frá upphafi

Til baka á forsíðu