سەفەر کردن بۆ ئایسلاندا و گەڕان بە ناویدا

هەموو  ئەو نەفەرانەی کە دێن بۆ ئایسلاند لە ناوچەکانی ناسراو بە مەترسی بەرزی توشبوون بە پەتاکە ، دووای ئەوەی زیاتر لە شەوڕۆژێکیان تیا بەسەر بردبێت، پێویستیان هەیە بەدووجار وەرگرتنی نمونە و پشکنین بۆ COVID-19  لەگەڵ پابەندبوون بە کەرەنتین لە نێوانی دوو پشکنینەکەدا. ئەو منداڵانەی لەگەڵ دایک و باوک/ سەرپەرشتیار سەفەر دەکەن  لەدایکبووانی ٢٠٠٥ و دوواتر پێکەوە دەچنە کەرەنتین. وەرگرتنی نمونەی یەکەم لەسەر سنور بەڕێوە دەچێت ، ئەوەی دووەم لە دووای پێنچ ڕۆژ. بۆ ئەو منداڵانەی لەدایکبووی ٢٠٠٥ و دوواترن و بە تەنها سەفەر دەکەن ، پێویستیان هەیە بە وەرگرتنی نمونە لە دووای پێنچ ڕۆژی کەرەنتین لە بەرواری گەیشتنیان بۆ وڵات. باری کەرەنتین ‌هەڵدەگیرێت لەدووای دەرکەوتنی ئەنجامی نەرێنی ، نێگەتیڤ ، نەبوونی ڤایرۆسەکە لە پشکنینی دووەمدا.

بۆ گەشتیارانی ترانزێت / ئەوانەی کە ناچنە دەرەوەی خاڵی کۆنترۆڵی سنور داوانەکراوە بە پشکنینی کۆڤید یان کەرەنتین. هەرچی ئەو نەفەرانەی ترانزێتیان هەیە و دەچنە دەرەوەی خاڵی کۆنترۆڵی سنور بۆ ماوەی ٤٨ کاتژمێر لە ناو ئایسلاندا ، پێویستە لەسەریان پابەندی کەرەنتین بن لە بری وەرگرتنی نمونە و پشکنین بە پێی ئەم بڕیارە.

ئەو کەسانەی کە دەتوانن پیشانی بدەن کە پێشتر توشبوون بە نەخۆشی COVID-19 لە ڕێگای ڕاپۆرتی  PCR  یان ڕاپۆرتی پشکنینی دژەتەنی وڵاتانی EEA / EFTA  بەخشراون لە کەرەنتین. هەموو ئەو کەسانەی کارتی/بەیانی کوتانی تەواوەتی نێودەوڵەتییان هەیە بە ڤاکسینێکی دانپیانراو دژی COVID-19 بەخشراون .

بەڵگەنامەی سەرسنور ئەبێت ئەم مەرجانەی تیا بێت:

پێویستە بەڵگەنامە بەم زمانانە بێت ؛ ئایسلاندی یان دانیمارکی ، نەرویجی ، سویدی ، ئینگلیزی
ناوی یەکەم و ناوی خێزانی (وەک ئەوەی لە پاسپۆرت هاتووە)
بەرواری لەدایکبوون
کەی نمونەکە وەرگیراوە (بەروار)
شوێنی وەرگرتنی نمونەکە (وڵات/ شار / ناونیشان)
ناوی تاقیگەکە/سەرچاوەی بەڵگەنامەکە
بەرواری دەرکردنی بەڵگەنامەکە
ژمارەی تەلەفۆنی تاقیگەکە یان لایەنی بەرپرس لە دەرکردنی بەڵگەنامەکە
جۆری تێستەکە (تێستی PRC یان تێستی پێوانی دژەتەنی ناو خوێن/ پلازما ELISA **)
ئەنجامی تێستەکە (تێستی PCR پۆزەتیڤ بە ـ SARS-CoV-2 یان هەبوونی دژەتەن)

پێش بەڕێکەوتن

سنوردارییەکانی سەفەرکردن :سنورەکانی ئایسلاند کراوەن بە ڕووی دانیشتووان و هاووڵاتیانی ناوچەی ئابوری ئەوروپی (EES) و سويسرا ، بەڵام ئایسلاند پابەندە بە مەرجەکانی سەفەرکەدن تایبەت بە سنورەکانی دەرەوەی ناوچەی شینگین کە لە ئێستادا کاری پێدەکرێت. لێرەدا زانیاریی پێویست دەست دەکەوێت دەربارەی هەموو سنورداریی و مەرجەکانی سەفەر بۆ ئایسلاندا کە لە ئێستادا جێبەجێدەکرێت بە هۆکاری COVID-19 .
تۆمارکردنی پێشوەخت لە هاتن بۆ ئایسلاندا : پێویستە لەسەر هەموو نەفەرەکان، گەشتیارەکان، فۆرمی تۆمارکردن پڕبکەنەوە ، پابەندبوون بە ڕێساکانی بەرەنگاربوونەوەی نەخۆشییەکە. هەمووان هان دەدرێن بۆ دابەزاندنی ئاپی شوێنهەڵگرتنapp   Tracking C-19تۆماری پێشوەخت ناکاتە مۆڵەتی سەفەر کردن.
پرۆگرامی جێبەجێکاری شوێنهەڵگرتن app C-19:  ئەم ئاپە بەکاردێت بۆ ئاگادارکردنەوە و ناردنی ئەنجامی نێگەتیڤی پشکنینەکە و هاوکارە بۆ دۆزینەوەی/شوێنهەڵگرتنی نەخۆشییەکە بە پێی پێویست. چێبەجێکاری  شوێنهەڵگر app C-19 ، زانیاریی و ڕێنمایی.

ڕێ و شوێنی پشکنینی سەر سنور  و کەرەنتین

یەکەم پشکنینی نمونە لەسەر سنور بەڕێوە دەچێت، لە دووای ئەوە نەفەرەکان کەرەنتین دەکرێن بۆ ماوەی 5-6 ڕۆژ بە پێی ڕێنماییەکانی تایبەت بە کەرەنتین لە ناو ماڵدا یان  ڕێنماییەکانی کەرەنتین بۆ ئەو کەسانەی سەردانی ئایسلاند دەکەن

ڕێگا نادرێت بە چوون بەشوێن میوان و کەسانی کە سەردانی ئایسلاند دەکەن لە فڕۆکەخانە، تەنانەت ئەندامانی خێزان و دۆستانیش. ئەوانەی دێن پێویستە هۆیەکانی گواستەنەوەی بەردەست لە فڕؤکە خانە بەکاربهێنن وەک پاس ، تاکسی یان ماشینێکی تایبەت کە پێشتر برابێت بۆ فڕۆکەخانە.

نمونەوەرگرتن /پشکنینی سەرسنور لە ئایسلاند بێ بەرامبەرە. گرنگ خوێندنەوەی زانیاریی و ڕێنماییەکانە تایبەت بە چۆنێتی بەڕێوەچوونی پشکنینەکە، واتە زانیاریی دووای گەیشتنت بۆ وڵاتەکە.

خاڵە سەرەکییەکانی پابەندبوون لە ماوەی کەرەنتیندا :

ڕێگەدراوە بە چوونەدەرەوە، بۆ هێنانی پێداویستیە سەرەکیەکان و وەرگرتنی چارەسەر بە ڕاوێژ لەگەڵ نزیکترین بنکەی تەندروستی، پزیشکی ئێشکگر  Læknavakt / 1700 ، هێڵی فیاکەوتن / 112 ، یان لە سیمکارتی دەرەوەی ئایسلاند بۆ ژمارەی (+354 544 4113) .                              
ڕێگەدراوە بە چوونەدەرەوە، بۆ پیاسە لە جێیەک کە خەڵکی زۆری لێنیە، هەمیشە بە ڕەچاوی پاراستنی ماوەی ٢م نێوانی بەکارهێنەرانی ڕێگا وبان .
ڕێگەنەدراوە بە تێکەڵاو بوون لەگەڵ کەسانی تر بێجگە لە ئەندامانی خێزان و بەشدارانی ناو ماڵ، بە ڕەچاوکردنی  ئەوپەڕی پاک و خاوێنی پابەندیی ٢م دووری لەگەڵ ئەندامانی خێزان و ناو ماڵ.
ڕێگەنەدراوە بە بەکارهێنانی هۆیەکانی گواستنەوەی گشتی (گەشتە ناوخۆییەکان، پاسی هێڵەکان، پاسی گەشتیاریی) تەنها ڕێگەدراوە بە بەکارهێنانی تاکسی، سەیارەی تایبەت و سەیارەی کۆمپانیای کرێ .
ڕێگەنەدراوە بە چوونە دەرەوە بۆ نانخواردن لە چێشتخانە و یانە یان هەر قەرەباڵغییەکی تری وەک مەلە ، سینەما، شانۆ. یان بۆ بازاڕکردن لە مۆڵ و شوێنەکانی کۆبوونەوەی خەڵکان.
ڕێگەنەدراوە کە خۆت هەستیت بە بازاڕکردن، بۆ نمونە چوون بۆ دەرمانخانە و بازاڕی میوە و سەزە ، پۆستە ، بانق و ئەو شوێنانەی تر . زۆرێک لەو شوێنانە خزمەتگوزاریی ئینتەرنێت و گەیاندنییان هەیە بۆ ماڵان.
ڕێگەنەدراوە بچیت بۆ قوتابخانە و بۆ سەرکار.
ڕێگەنەدراوە بۆ گەشت وگوزار و شۆفێری بۆ ماوەی دوور و درێژ تەنیا ئەو ماوەیە نەبێت لە نێوانی خاڵی سنوریی و شوێنی دەستنیشانکراو بۆ کەرەنتین ، ئەگەر لە بەشێکی تری وڵاتدا بوو.

پشکنینی دووەم و ماوەی کەرەنتین تا کاتی دەرکەوتنی ئەنجامەکە

پشکنینی دووەم لە بنکەیەکی تەندروستیی بەڕێوەدەچێت، لە هەموو جێیەکی وڵات ئەنجام دەدرێت. تکایە ڕەچاوی جیاوازی کاتەکانی ئیش و کرانەوەی بنکەکان بکەن. کەرەنتین هەڵدەگیرێت بە دەرکەوتنی ئەنجامی نێگەتیڤی پشکنینی دووەم.

ئەنجامی پۆزەتیڤی پشکنین هەمیشە واتای دابڕینە و پێویستە پابەندیی بکرێت بە ڕێنماییەکانی دابڕین لە ناو ماڵدا. پشکنین و چاودێری و چارەسەری تووشبووانی COVID-19 بێ بەرامبەرە . بەڵام بۆ پشکنینی ئیختیاریی وا نیە ، کەسێک خۆی هەڵیبژێرێت بچێت بۆ پشکنینی COVID-19پارەی لێ وەردەگیرێت. پشکنینی دووەم بێ بەرامبەرە.

ئەنجامی نێگەتیڤی پشکنینی سەرسنور بە دوورت ناکات لە کەرەنتین ئەگەر دەرکەوت بەرکەوتەی نەخۆشی کۆڤید بوویت بۆ نمونە زانرا کەسێکی تووشبووی کۆڤید-١٩ لە فڕۆکەدا لە نزیکتەوە هەبووە. بۆ ئەو کەسانەی لە ناکاو دووچاری چوونە کەرەنتین دەبن، چاوەڕواننەکراو، ناتوانن بگەنە شوێنی دەسنیشانکراوی کەرەنتین بۆیان هەیە سود وەربگرن لە پەناگای کەرەنتینی گشتیی.

لای خوارەوە لیستی ئەو شوێنانەی پێشوازی دەکەن لە میوانان لە ماوەی کەرەنتیندا.

سەرنجتان ڕادەکیشین بۆ ئەم ڕاستییە ؛ شکاندنی کەرەنتین و پابەند نەبوونی دابڕان  ئەنجامەکەی سزادانە لەگەڵ هاتنە سەرهێڵی دەسەڵات بۆ ڕاگرتنی پێشێلکاریی.

زانیاریی تری گرنگ

ئەوکەسانەی سەفەردەکەن ئامۆژگاری دەکرێن بە زانینی  ڕێنماییەکانی وڵات بۆ سەفەرکردن دەربارەی  COVID-19.

بۆ ئەو کەسانەی دووچاری گیروگرفت دەبن لە دەرچوون و دوورکەوتنەوە لە شوێنانی ناوچەی مەترسیی، پێویستە پەیوەندی بکەن بە بەشی خزمەتگوزاری مەدەنی بە ئیمەیڵ hjalp@utn.is یان لە  Facebook. لە باری نائاسایی و حالەتی نەخوازراو ، دەتوانرێت تەلەفۆن بکرێت بۆ بەشی خزمەتگوزاریی وەزارەتی دەرەوە لە ژ ت  5450112 . ئەم خزمەتگوزارییە بەردەوام ، ٢٤ کاتژمێر، لە کارکردندایە.بۆ زانینی زیاتر لەسەر مافە سەرەکییەکانی خەڵک لە کاتی گەشتدا  لەسەر پێگەی ئەلەکترۆنیی نوسینگەی کاروباری گەشتوگوزاری ئایسلاندیی.

ناوچەکانی ڕێژەی بەرزی مەترسیی تووشبوون

ئەوەی گرنگە زانیارییت هەبێت لەسەر هەموو حاڵەتەکان و چی ڕێسایەک کارایە دەربارەی پێناسەی ناوچەکانی ڕێژە بەرزی مەترسیی تووشبوون لەگەڵ ڕێساکانی هاتوچۆی سەرسنورەکان . ئەم ڕێسایانە بەردەوام چاویان پێدا دەخشێنرێتەوە تا بزانن کام ولات دەکەوێنە ناوچەی مەترسیدارەوە.

سەفەر و گەشت کردن لە ئایسلانداوە

هاووڵاتیان و دانیشتووانی ئایسلاند ئامۆژگاری دەکرێن کە نەڕۆن بۆ ناوچەکانی ڕێژە بەرزی تووشبوون.

Ferðalög til og á Íslandi /  Kúrdíska