Táknmál
Táknmál
Mögulegt smit?

Helstu einkenni

Helstu einkenni COVID-19 sýkingar minna á venjulega flensu: hiti, hósti, bein- og vöðvaverkir og þreyta. Meltingareinkenni (kviðverkir,ógleði/uppköst, niðurgangur) eru ekki mjög áberandi með COVID-19 en eru þó þekkt. Breytingu, eða tapi á bragð- og lyktarskyni er lýst hjá 20–30% sjúklinga.

Hér eru upplýsingar um kórónaveiruna á auðlesnu máli sem voru unnar af Landssamtökunum Þroskahjálp.

Rakning C-19 appið

Ef þú greinist með COVID-19, getur smáforritið Rakning C-19 hjálpað til við að rifja upp ferðir þínar þegar upp kemur smit eða grunur um smit. Appið er mikilvægur hlekkur í því viðamikla starfi sem er í gangi hér á landi vegna COVID-19.

Sjá nánari upplýsingar um appið sem er bæði fyrir Android og iOS tæki og er opið öllum.

Ef þig grunar að þú sért með smit: 

Haltu þig heima og hafðu samband í síma 1700, heilsugæsluna þína eða í gegn um netspjall á heilsuvera.is. Heilbrigðisstarfsfólk verður þar til svara og ráðleggur þér um næstu skref.
Það er mjög mikilvægt að þú farir ekki í eigin persónu á læknavakt eða heilsugæslu.

Ef þig grunar að einhver í þínu nærumhverfi sé smitaður/smituð:

Gættu þess að eiga ekki í nánu samneyti við viðkomandi. Ráðlegðu viðkomandi að hafa samband við 1700, heilsugæsluna eða Heilsuveru.is og ræða einkenni sín og fá ráð um hvernig best er að bregðast við.

Skimun fyrir COVID-19:

Sóttvarnalæknir, í samstarfi við Íslenska erfðagreiningu og sýkla- og veirufræðideild Landspítala, býður upp á skimun hjá almenningi fyrir veirunni sem veldur COVID-19 sjúkdóminum. Bóka þarf tíma í skimun.

Tengt efni