Bólusetning

Hvernig fæ ég boð í bólusetningu?

Ef þú býrð eða starfar á Íslandi áttu rétt á bólusetningu við COVID-19.

Bólusetning er gjaldfrjáls og enginn er skyldaður í bólusetningu.

Þau bóluefni sem notuð eru hér á landi við COVID-19 eru örugg og veita bestu mögulegu vernd gegn sjúkdómnum. Markmið bólusetningar við COVID-19 er að vernda fólk fyrir sjúkdómnum. Allar nánari upplýsingar um bóluefni, aukaverkanir og algengar spurningar.

Börnum 12 - 15 ára er boðin bólusetning og foreldrar/forráðamenn þurfa að veita samþykki sitt fyrir því.

Boð um viðbótarskammt eða örvunarskammt í bólusetningu koma í SMS-skilaboðum þar sem fram kemur hvar og hvenær viðkomandi á að mæta. Það á meðal annars við um þau sem fengu Janssen bóluefni.

Þau sem eiga eftir að fá bólusetningu eða fengu Janssen og þiggja örvunarskammt

Á höfuðborgarsvæðinu: Þau sem eru með íslenska kennitölu, bæði fulla skráningu og kerfiskennitölu, geta mætt á opnunartíma á Suðurlandsbraut 34 og óþarfi er að skrá sig sérstaklega. Opið er á Suðurlandsbraut 34 mánudaga til föstudaga kl. 10.00-15.00. Börn 12-15 ára geta einnig mætt, en þurfa að koma í fylgd foreldris/forráðamanns. Sjá neðar fyrir þau sem ekki eru með íslenska kennitölu.
Á landsbyggðinni: Hafa þarf samband við heilsugæsluna, einnig fyrir bólusetningu barna 12-15 ára. Sjá neðar fyrir þau sem ekki eru með íslenska kennitölu ásamt leiðbeiningum um skráningu á heilsugæslustöð.

Bólusetningarskírteini er aðgengilegt á mínum síðum á heilsuvera.is einni viku eftir að fullri bólusetningu er lokið sem og á heilsugæslustöðinni þinni. Bólusetningarskírteini fyrir börn (yngri en 16 ára) eru á mínum síðum foreldra/forráðamanna sem og á heilsugæslustöðinni þeirra.

Ef þú ert ekki sjúkratryggð/ur á Íslandi en býrð hér eða starfar áttu samt rétt á bólusetningu

Upplýsingar um skráningu starfsmanna og íbúa af erlendum uppruna sem ekki hafa íslenska kennitölu.
Hægt er að óska eftir bólusetningu fyrir íbúa sem ekki hafa íslenska kennitölu með því að:
a) Á höfuðborgarsvæðinu: senda tölvupóst á bolusetning@heilsugaeslan.is með upplýsingum um: nafn, fæðingardag og ár, kyn, ríkisfang, íslenskt gsm númer og netfang.
b) Á landsbyggðinni: hafa skal samband við heilsugæsluna á sínu svæði.

Ef þú ert sjúkratryggð/ur á Íslandi:

Þú getur opnað heilsuveru með rafrænum skilríkjum og lagfært símanúmerið þitt ef þarf.
Ef þú ert ekki með rafræn skilríki þá hefur þú samband við heilsugæsluna þína og biður þau að setja inn réttar upplýsingar.

Að skrá sig á heilsugæslustöð:

Á landsbyggðinni skráist þú sjálfkrafa samkvæmt lögheimili þínu.
Á höfuðborgarsvæðinu þarftu að skrá þig á heilsugæslustöð. Það er hægt í eigin persónu á heilsugæslustöðinni sem þú velur eða í réttindagátt sjúkratrygginga (rafræn skilríki nauðsynleg)

Veistu ekki hvort þú ert sjúkratryggð/ur á Íslandi?  

Sjúkratrygging á Íslandi er byggð á lögheimilisskráningu.
6 mánuðum eftir fulla skráningu hjá Þjóðskrá ertu sjálfkrafa sjúkratryggð/ur
Ath. að kerfiskennitala dugar ekki.

Áður en 6 mánuðir eru frá fullri skráningu hjá Þjóðskrá þarftu að uppfylla skilyrði til að fá sjúkratryggingu:

Að vera frá öðru EES landi og með sjúkratryggingu þar.  Umsókn um sjúkratryggingu á Íslandi.

ingu hjá Þjóðskrá ertu sjálfkrafa sjúkratryggð/ur

Ath. að kerfiskennitala dugar ekki.

Rafræn skilríki

Þú þarft að hafa íslenska kennitölu (full skráning hjá Þjóðskrá, ekki kerfiskennitala) og skilríki sem sýna kennitöluna
Þú þarft að hafa snjallsíma og íslenskt símanúmer
Þú þarft að fara á skráningarstað í eigin persónu með símann og skilríkin til að virkja rafræn skilríki

Ef þú þarft frekari aðstoð getur þú haft samband á íslensku eða ensku á netspjalli covid.is eða hjá Ráðgjafastofu fyrir innflytjendur (New in Iceland) sem geta aðstoðað þig á fleiri tungumálum.

Related content